Vers n dag - 3 Februarie 2012
Tema vir die maand: ’n Nuwe begin…
DAG 20: BEGIN NUUT. . . MET GOD AS ONS BESKERMER
Deur Benescke Janse van Rensburg
[AGTERGROND: Dankie aan almal wat hulle getuienisse met ons deel. Jy kan steeds by
Leser 1, Elize uit Australië: In November verlede jaar is ek met fase 4-limfkanker gediagnoseer. My onkoloog het gesê hy sal die kanker probeer beheer, maar dat hy dit nie kan genees nie. Ek het met my chemoterapie begin en wêreldwyd gebedsgroepe gehad wat vir my gebid het.
Ná elke behandeling was ek siek, maar God het wonderlike mense in my klein dorpie, Chinchilla hier in Australia gestuur wat my ondersteun het aangesien my familie en kinders in Suid Afrika is.
’n Paar dae gelede moes ek weer vir bloedtoetse gaan en die uitslag? Die kanker het heeltemal verdwyn! Die dokter was totaal en al verbaas. Alle eers aan ons Vader. Hy het my gebede verhoor. Ek loof ons God.”
Leser 2, Gert: “Ek was as jong seun in die koshuis in Namibië. Een middag lê ek weens ’n geweldige maagkramp met my knieë tot teen my bors opgetrek. Die pyn was so erg dat ek te swak gevoel het om na iemand uit te roep. Was sake vererger het, was dat ek alleen in die koshuis was aangesien al die kinders buite gespeel het.
In my nood het ek ervaar hoe die Heilige Gees my gelei het om na God vir hulp uit te roep. Omdat ek swak was en geen krag gehad het nie, is al wat ek in ’n fluisterstem kon uitkry: ‘Here, help my…’ Ek het dit so vier keer geroep.
Meteens het ek ervaar hoe ’n warm gloed deur my lyf vloei voordat ek besef het dat die pyn skielik weg was! Ek kon opspring en by die kamer uithardloop. Ek is vandag 51 jaar oud, maar ek sal nooit daardie oomblik in God se teenwoordigheid mis nie. Alle eer aan Hom!”
Leser 3, Petro: “Ek en my ouers deel ’n huis in Mosselbaai. Soggens voordat ek werk toe vertrek bid ek en my ma gewoonlik saam. Gisteroggend was haar gebed spesifiek dat God almal veilig by die werk en terug na hulle huise sou bring.
Toe ek gistermiddag by die verkeerslig wag om oor die kruising op die snelweg te draai waarop ek huis toe ry, het ek meteens gevoel hoe ’n hand om my enkel vou en my voet van die versneller afhaal – op presies die oomblik wat ek wou draai. Ek het opgekyk en gesien hoe ’n voertuig reg van voor op die kruising afpeil met geen intensie om spoed te verminder of die verkeerslig (toe reeds rooi) te gehoorsaam nie. Die spoed waarmee die voertuig by myne verbygeskuur het was so groot dat my voertuig geruk het.
Toe ek kon draai het ek in die geel streep gestop, my oë toegemaak en vir God dankie gesê. Wat die ondervinding so ongelooflik maak is daar geen passasiers saam met my ry nie, maar ek het geen twyfel dat dit ’n passasier van Bo was wat gekeer het dat daar ’n noodlottige ongeluk was nie.”
Soos vir Elize, Gert en Petro wil God jou ook genees, beskerm en daagliks op die regte pad lei. Luister maar na die woorde in Psalm 91:9-10: “Omdat jy die Here as skuilplek geneem het, die Allerhoogste as jou beskermer, sal geen onheil jou tref en geen plaag naby jou woonplek kom nie. Hy sal sy engele opdrag gee om jou te beskerm waar jy ook al gaan.”
Kom ons maak Hom deel van ons elke dag
Vader God, baie dankie dat ek elke vrees in my hart na U kan bring. Lei my asseblief daagliks deur u Heilige Gees om met groter geloof vreesloos te leef. Ek bid dit in die Naam van Jesus Christus. Amen.
- Kyk na foto’s op die STORIES VAN HOOP bladsy op die sosiale netwerk, Fbook.
** Boekbekendstelling: Benescke se boek, Wysheid, oordenkings uit Spreuke word amptelik bekendgestel op Saterdag, 25 Februarie 2012 by die Bellville Wes-Kerksaal. Vir meer inligting, kontak Karin at 021 949 7419 or