Benescke Janse van Rensburg
In the Lord’s hand the king’s heart is a stream of water that he channels towards all who please him. Proverbs 21:1, NIV
Have you ever had a stubborn person in your life who makes things difficult for you? Someone with whom there is so much unresolved conflict that it feels as though you simply cannot get through to each other anymore?
Last week, I spoke to a woman who told me that her marriage is going through a very difficult time. She and her husband barely speak to each other, and because of the ongoing conflict, they are currently sleeping in separate bedrooms.
It breaks her heart. She longs for God to intervene. She desperately wants them to understand each other's perspectives and find their way back to one another. But to her, it feels as though her husband's heart has simply become hardened.
As I listened to her, I was reminded of the words of Proverbs 21:1.
Think about that for a moment. If God can touch and influence the heart of a king, surely, he can also work in the heart of the person you are struggling with today!
Throughout the Bible, we see how God works in people's hearts and circumstances. Think about Esther. When she approached the king without an invitation, he received her with favour (Esther 5:2). Joseph found favour with Pharaoh, who eventually placed him in charge of Egypt (Genesis 41:39–41). Daniel received favour and compassion from the chief official (Daniel 1:9). And when Nehemiah asked the king for permission to return to Jerusalem to rebuild the city's walls, the king granted his request. Nehemiah himself acknowledged that it was because God's gracious hand was upon him (Nehemiah 2:8).
Perhaps there is someone in your life whose heart has become so hardened that you have almost given up hope. What if, today, you stopped trying to change that person's heart yourself and instead asked God to do what you cannot? Ask him to soften hearts, clear up misunderstandings and make forgiveness possible.
Relationships matter to God. The heart that seems impossible for you to reach is never beyond God's reach.
Prayer: Heavenly Father, thank you that you know every person's heart and that nothing is impossible for you. Please touch the hearts that need to change — including my own. I trust you to open the way for reconciliation. I pray this in the name of Jesus Christ. Amen.
Benescke Janse van Rensburg
Die koning se hart is in die hand van die Here soos waterstrome: Hy lei dit waarheen Hy wil. Spreuke 21:1, 1933/1953-vertaling
Het jy al ooit ’n hardkoppige persoon in jou lewe gehad wat dinge vir jou moeilik maak? Iemand met wie daar soveel onopgeloste konflik is dat dit voel asof julle eenvoudig nie meer by mekaar kan uitkom nie?
Verlede week gesels ek met ’n vrou wat my vertel dat haar huwelik deur ’n baie moeilike tyd gaan. Sy en haar man praat skaars met mekaar en weens die konflik slaap hulle tans in verskillende kamers.
Dit breek haar hart. Sy smag na God se ingryping. Sy wens dat hulle mekaar se standpunte kan begin verstaan en weer ’n pad na mekaar toe kan vind. Maar dit voel vir haar asof haar man se hart eenvoudig verhard het.
En terwyl ek na haar luister, dink ek aan Spreuke 21:1:“Die koning se hart is in die hand van die Here soos waterstrome: Hy lei dit waarheen Hy wil.”
Dink ’n bietjie daaroor. As God selfs ’n koning se hart kan aanraak, hoeveel te meer kan Hy nie ook werk in die hart van die persoon met wie jy vandag sukkel nie?
Regdeur die Bybel sien ons hoe God in mense se harte en omstandighede werk. Dink aan Ester. Toe sy ongenooid voor die koning verskyn, het hy haar met guns ontvang (Ester 5:2). Josef het guns gevind by Farao, wat hom uiteindelik oor Egipte aangestel het (Genesis 41:39–41). Daniël het guns en deernis ontvang by die hoofamptenaar (Daniël 1:9). En toe Nehemia die koning vra om na Jerusalem terug te keer om die stad se mure te herbou, het die koning sy versoek toegestaan. Nehemia het self erken dat dit deur God se goeie hand oor hom was (Nehemia 2:8).
In elkeen van hierdie verhale sien ons hoe God deure oopmaak wat mense nie op hulle eie sou kon oopmaak nie. En Hy kan vandag steeds in mense se harte werk.
Dalk is daar iemand in jou lewe wie se hart so hard geword het dat jy moed verloor het. Wat as jy vandag ophou probeer om daardie persoon se hart self te verander en eerder vir God vra om te doen wat jy nie kan nie? Vra Hom om harte sag te maak. Om misverstande uit die weg te ruim. Om vergifnis moontlik te maak. Verhoudings is vir God belangrik.
Die hart wat vir jou onbereikbaar lyk, is nie buite God se bereik nie.
Gebed: Vader God, baie dankie dat U mense se harte ken en dat niks vir U onmoontlik is nie. Raak asseblief die harte aan wat nodig het om te verander – ook my eie. Ek vertrou U om die pad na versoening oop te maak. Ek vra dit in die Naam van Jesus Christus. Amen.
Ruanne van Zyl
Wees veral versigtig met wat in jou hart omgaan, want dit bepaal jou hele lewe. Spreuke 4:23, 1983-vertaling
Die hart waarvan hierdie vers praat, is nie net emosies nie, maar die sentrum van ons gedagtes, begeertes en motiewe. Alles wat ons doen, begin hier. Daarom sê God ons moet dit “veral versigtig” bewaak.
Ons harte word daagliks beïnvloed deur wat ons sien, hoor en oor dink. Negatiewe woorde, vergelyking met ander, vrees en bitterheid kan stil-stil wortelskiet. As ons dit nie aanspreek nie, begin dit ons houding en optrede beheer. 'n Onbewaakte hart lei tot 'n onrustige lewe.
Om jou hart te bewaak, beteken nie om koud of afgesluit te wees nie. Dit beteken om doelbewus te kies wat jy toelaat om jou binneste te vorm. Dit vra dat ons gereeld ons gedagtes aan God se waarheid toets. Wanneer leuens soos “ek is nie goed genoeg nie” of “niks sal verander nie” opkom, moet ons dit vervang met wat God sê.
'n Gesonde hart bring lewe. Dit lei tot geduld, liefde en wysheid in moeilike situasies. Wanneer ons hart vol vrede is, reageer ons anders op druk en konflik. Die kwaliteit van ons lewe word dus direk beïnvloed deur die toestand van ons binneste wêreld.
God is nie net geïnteresseerd in ons dade nie, maar in wat dit dryf. Wanneer ons Hom toelaat om ons harte te reinig en te vernuwe, verander Hy ons van binne na buite.
Gebed: Here, wys my wat in my hart nie van U af kom nie. Help my om my gedagtes te vul met u waarheid en my hart te bewaak sodat my lewe U eer. Amen.