TEMA VIR REEKS: “VAN VREES NA VRYHEID... IN 25 DAE”

NEEM DEEL: Het jy spesifieke temas/vrese waaroor jy graag meer wil lees, stuur gerus ’n epos aan This email address is being protected from spambots. You need JavaScript enabled to view it..

DAG 20: OORKOM VREES... MET DIE WOORD – DEEL 1

Deur: Benescke JvR (voorheen Botha)

Vir die laaste vyf dae in die reeks wil ek weer die “eksperiment” doen. Die dagstukkies gaan heelwat korter wees as gewoonlik en daagliks bestaan uit een of twee teksverse. Wat ek wil hê dat jy moet doen, is om hierdie teksverse op ’n stukkie papier neer te skryf wat jy heeldag met jou kan saamdra (in jou handsak, jou broeksak of beursie). Terwyl jy dan regdeur die dag ’n paar keer oor hierdie teksvers nadink, wil ek hê dat jy jouself moet afvra:

1. Wat wys die teksvers my van God se karakter?
2. Hoe is hierdie teksvers van toepassing op my huidige situasie? (in jou huwelik, jou werkplek, jou gesin, ensovoorts)
3. Hoe gaan ek voortaan hierdie belofte van God deel van my lewe maak?

Maak hierdie “eksperiment” gerus deel van jou stiltetyd deur jou antwoorde op bogenoemde vrae in ’n joernaal neer te pen. Vra die Heilige Gees om jou te help om met nuwe oë na die teksvers te kyk. (Jy kan dan jou ervaring van hierdie “eksperiment” teen die einde van die week met my deel by This email address is being protected from spambots. You need JavaScript enabled to view it..)

VANDAG SE TEKSVERS:

• Psalm 27:1 “Die Here is my lig en my redder, vir wie sou ek bang wees? Die Here is my toevlug, vir wie sou ek vrees?”

Kyk jy vandag vas in jou vrees of hou jy jou oë op God? Maak jy Hom jou toevlug?

Vader God, baie dankie dat U my lig en my redder is. Lei my asseblief om nie vas te kyk in my vrese nie, maar om myself te herinner dat U waarlik my toevlug is. Ek bid dit in die Naam van Jesus Christus. Amen.

NUUSBROKKIES:

• VROUEOGGEND: Benescke tree as gasspreker op by Heidekoppie N.G. Gemeente, Brackenfell se Vroueoggend op Saterdag, 22 Mei 2010. Vir meer inligting, kontak Juanita Joubert by 021-9143322 of This email address is being protected from spambots. You need JavaScript enabled to view it..

• VORIGE STUKKE OF OM IN TE TEKEN: Ons is baie opgewonde om aan te kondig dat ons die 41,000+ lesers per dag pylvak verbygesteek het. Ons doelwit van die jaar is om dit na 50,000 te verhoog.

TERUGVOER: Is daar spesifieke temas waaroor jy in die huidige reeks meer wil lees? Stuur gerus terugvoer, opmerkings en voorstelle na: This email address is being protected from spambots. You need JavaScript enabled to view it..

HET JY ’N GETUIENIS? Wil jy graag met ons en moontlik met ons lesers jou getuienis deel van wat God in jou lewe gedoen het? Stuur ’n epos aan: This email address is being protected from spambots. You need JavaScript enabled to view it.. Onthou om foto’s ook saam te stuur. Dit kan oor enigiets wees. Dankie. Benescke

BORGSKAPPE/ ADVERTENSIES: As jy belangstel om jou produk of diens op die Vers-’n-dag dagstukkie te adverteer, kontak gerus This email address is being protected from spambots. You need JavaScript enabled to view it.. Sonder die nodige ondersteuning sal die diens nie moontlik wees nie.